"Азаттыктын" Оштогу кабарчысы. Ош мамлекеттик университетинин журналистика факультетин аяктаган.
Ошто зомбулуктун айынан ажырашкан келин мурдагы күйөөсүнүн басым-кысымына кабылып жатканын айтууда. Ал милицияга, Акыйкатчыга арыз менен кайрылып, өзүнүн балдарынын коопсуздугу үчүн кооптонуп жатканын билдирүүдө. Укук коргоо органдары арыз жазылганын ырастап, бул иш тергелип жатканын билдирди.
Өзгөндүн Куршабында 1920-1930-жылдардагы репрессия курмандыктары жапырт көмүлгөн жайга эстелик орнотулуп, "Кекилик-Учар бейити" деп аталган мемориалдык жай ачылды. Бул жайдын таржымалы жана Кыргызстандын аймагында репрессияда атылган кишилердин сөөгү жапырт көмүлгөн жайлар тууралуу сөз кылабыз.
Ноокатта милиция кызматкерлеринин жетекчисине каршы арызын Ички иштер министрлигинде түзүлгөн комиссия териштирет. 18-ноябрдын кечинде Көк-Жар аймактык милиция бөлүмүнүн 10дон ашык кызматкери өлкө бийлигине кайрылуу жолдоп, райондук милициянын жетекчиси Талгат Өскөналиевдин үстүнөн даттанышты.
Ноокаттагы Көк-Жар аймактык милиция бөлүмүнүн башчысы өлкө бийлигине кайрылуу жолдоп, райондук милициянын жетекчисинин басымына даттанды. Ош облустук милициясы кайрылуу боюнча териштирүүнү баштады. Адатта укук коргоо органдарында коомчулукка ачык кайрылган учурлар сейрек.
Ноокаттагы Көк-Жар аймактык милиция бөлүмүнүн башчысы өлкө бийлигине кайрылуу жолдоп, райондук милициянын жетекчиси басым кылып жатканына даттанды. Райондук милициянын башчысы Талгат Өскөналиев андай дооматты четке какты. Ош облустук милициясы кайрылуу боюнча териштирүү жүрүп жатканын билдирди.
Ошто эки жыл катарынан мугалимдердин сынактарында батир утуп алган Илгиз Шамырзаев аликүнчө байгесин ала электигин “Азаттык” аркылуу айтып чыккандан кийин коомчулукта кызуу талкуу башталды. Оштун мурдагы мэри бул маселени чечүүгө көмөк көрсөтөрүн убада кылды.
Ошто эки жыл катарынан мугалимдердин сынактарында батир утуп алган Илгиз Шамырзаев али күнчө байгесин ала электигин айтып чыкты.
Ош шаарынын бийлиги таза суу маселесин толук чечүү үчүн жеке менчикке өтүп кеткен суу кудуктарын (скважина) кайтарып алуу аракети башталганын билдирди. Түштүк борборду 2009-2013-жылдары башкарган Мелис Мырзакматовдун жеке менчигинде калган эки кудук мамлекетке алынганы белгилүү болду.
Алайдын Чоң-Каракол айылындагы тургундар көмүр казууга келген компаниянын техникасын чыгарып кетүүнү талап кылууда.
Ош облусунун Алай районунун Чоң-Каракол айылындагы тургундар көмүр казуу үчүн келген компаниянын техникасын чыгарып кетүүнү талап кылууда. Чоң-Каракол айлына барып келген кабарчыбыз Даткабек Шабданбек уулу соңку жагдай тууралуу айтып берет.
Оштун Ноокат районундагы медреседеги өспүрүмдүн өлүмүнөн кийин кармалган 16 жаштагы шектүү абакта кыйноого кабылганы айтылды. Милиция бул маалыматты четке какты.
Ноокат районундагы медреседе киши колдуу болгон өспүрүмдүн өлүмүнөн кийин медресе, жатак мектептердеги балдардын коопсуздугу маселеси күн тартибине чыкты. Медресе белгисиз мөөнөткө жабылып, атайын түзүлгөн комиссия ишти иликтөөгө киришти. "Азаттыктын" кабарчылары окуя болгон жерге барып келди.
"Азаттык" Украинадагы согушка кеткен бир нече каармандын кайгылуу окуясын баяндоо менен Орусиянын түрмөлөрүндө мигранттарды кан күйгөн кармашка айдоо дагы эле уланып жатканын көрсөтөт. Белгилүү себептерден улам берүүдө сүйлөгөн каармандардын жүзүн жаап, атын өзгөртүп беребиз.
Ош облустук сотунун судьясы Нургазы Алимкулов сол колунан бир нече жаракат менен ооруканага түшкөнү маалым болду. Аймактагы бириккен клиникалык оорукана менен шаардык милициядан билдиргендей, судья колун өзү кескен. Учурда тергөө жүрүп жатат.
Ош облустук сотунун судьясы Нургазы Алимкулов сол колундагы күрөө тамыры жана булчуңдары кесилген абалда ооруканага түшкөнү маалым болду. Аймактагы клиникалык оорукана, шаардык милиция судья колун өзү кескенин билдирди. Бирок жабырлануучунун жакындары бул маалыматка ишене албай турушат.
Ошто селден жабыр тарткан айрым тургундар камсыздандыруу мекемесинин ишине нааразы. Кышка чейин үй-жайын бүтүрүп алууга аракеттенген жарандар акча ала албай убара тартууда. 23-сентябрда Министрлер кабинетинин төрагасы Акылбек Жапаров бардык турак жайларды камсыздандырууга тапшырма берген.
Милиция өлкөнүн түштүк аймагында быйыл сегиз айда 1277 үй-бүлөлүк зомбулук катталганын билдирди. Облустук Ички иштер башкармалыктарынын маалыматына ылайык, жабыркагандардын 80% аялдар.
Токмокто мурда аскер кызматкери болуп иштеген күйөөсү катуу сабап, ооруканага түшкөн келиндин окуясы Кыргызстандагы аялдардын коопсуздугу, үй-бүлөлүк зомбулук маселесин кайра күн тартибине чыгарды. Ага чейин Ош, Жалал-Абад, Баткенде быйыл зомбулук боюнча милицияга кайрылуу көбөйгөнү маалым болгон.
Ош-Ноокат-Раззаков унаа жолундагы эски көпүрөнү бузуу учурунда бир жаранды бетон плита басып калып каза болгону белгилүү болду.
Ош облустук милициясы 4-5 жаштагы баласын кагып-силкип, "эшикке укта" деп кууп жаткан кишини тапты. Бул окуя мигранттардын балдарынын кейиштүү тагдырын эске салып, алар кабылган зордук-зомбулукка байланыштуу талкууну күчөттү.
Дагы жүктөңүз
